يـــا مدوّر الهـــيــّـن[POEM="font="Simplified Arabic,7,deeppink,normal,normal" bkcolor="transparent" bkimage="images/backgrounds/95.gif" border="none,4,gray" type=2 line=0 align=center use=ex num="0,black""]
يامدور الهين ترى الكايد أحلى=اسأل مغنّي كايدات الطروقي
الزين غالي لكن الأزين أغلى=ولكل شرايٍ بضاعة وسوقِي
النوّ عالي والسما فوقه أعلى=لا فاق علمٍ جاه علمٍ يفوقِي
الصعب هلاّ قلت ياصعب سهلا=دامك تبيني فانت ياصعب شوقِي
أحب أعسف المهرة اللي تغلى=واحب أروّض كل طرفٍ يموقِي
واحب أسافر مع سحاب تعلّى=واحب فوق الغيم لمع البروقِِِِي
واحب اساهر بدري اللي تجلى=وارسم شعاع الشمس عند الشروقِي
يامن على ثاير فوادي تولّى=خلّك على قلب الكرامة شفوقِي
أكرم عزيزٍ بالعمر ماستذلّى=يسوق عمره للمشاريف سوقِي
اخترتك من الناس للقلب خلّى=ياحيثك مرادي وكيفي وذوقي
مارحت أدوّر كل زولٍ تحلّى=لولاك تسوى ماعطيتك خفوقي [/POEM]
الأمير / خالد بن فيصل بن عبدالعزيز