الله يبيض وجه قل لـي ودينـي =خلاني اعرف كل رجـل ومقامـه
وخلاني صفق في شمالي يمينـي =وذوق من نخوى العفون الندامـه
وقت الرخـى يامكثـر الطيبنـي= كل(ن)ربط فوق المراجل حزامـه
بس الرجل وقت الشدايـد يبينـي= ولو لا كذا ماصار طيب ورخامـه
سـلام ياللـي بالشدايـد تعينـي=يامن بصم فوق الرجولـه بهامـه
ابن السليك ان عـدوا الغانمينـي=فرحان طيبه من ابـوه وعمامـه
اباصفـك بيـن الجبـال الثنينـي=امـا جبـال طويـق ولا تهامـه
قـدام لاجيلـك علومـك تجينـي=وجيتك وشفت الطيب فوق الكرامه
يامقدم(ن)لظيف كبش(ن)سمينـي=ويامن فعـل يمنـاه زاد احترامـه
ومن مايقوم بوقت عسر(ن)وليني=عله كفيـف ولاتشيلـه عظامـه
ولادمي بالعمـر ابـه حاجتينـي=وليا نقطع منهـا عليـه الملامـه
بدنياه طيـب بماتطـول اليدينـي=وعمل لربه يـوم ياقـف امامـه