[عوني العبسي]

هذا المحاورة جمعت



الشاعر أحـمـد الـنـون (( سـم الــداب ))





الشاعر العملاق مسـتور العصـيمـي


[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والبدايه لي أحـمـد الـنـون


العصيمي ودي أسولف معه وأخذ علومه=شاعر (ن) مايجهل الشعار جزلين المعاني

القمر ماينجهل والليل ماتخفا نجومه=والعرب دايم تحرا طلعت سهيل اليماني


مستور


ياهلا يامرحبا ودرب ماتخفا رسومه=مير أدور للعميل الي ليا عطيته عطاني

الجمل ياهل الجمل لابد مانعرف وسومه=يابعيدين الشبوح وياطويلين اليماني


أحمد النون


دايم اهل العرف راع العرف تفرح في قدومه = وأنت مستور العصيمي مايبيلك ترجماني

ياعتيبه تحسبون الدار ماهيب محكومه=الدعاوي ماهي بدعوتة بعير ولا حصاني


مستور

كان مستور العصيمي قال كلمه لاتلومه=أنت عايش في زمانك منت عايش في زماني

من تحلمله بخير الله يحققله حلومه=كيف ولد الداب يسكن مع وليد العقرباني

أحمد النون

أحسب حساب السوالف والمواقيف محسومه=وزلت اللسانك ترا ماهي كما زلت لساني

ياكثر شعب البلد مير البلد فيها حكومه=والحكومه حاكمه شعب البلد ياهل حلباني

مستور

ذمة الرجال عن بعض السواليف معصومه=لاتوانا بلعلوم علوم مافيها تواني

لاتدور سالفه بين الرياجيل معدومه=والمعاني ياوسيع المعرفه بحر مواني


أحمد النون

ماعليه الي ليا وقف قوياتن عزومه=والعلوم علوم غير العلم الأول علم ثاني

والله أني ماظلمتك وأكره الناس الظلومه = مير ماتحصل جريمه مابها(( مجني وجاني ))
[/POEM]

الموضوع الأصلي: ((الشـاعـر أحـمـد الـنـون و الشـاعــر مسـتـور العـصيمي)) | | الكاتب: عوني العبسي | | المصدر: شبكة بني عبس