بسم الله الرحمن الرحيم
السلام عليكم ورحمة الله وبراكاته
هذي القصيده للشاعر الكبير عواض خنيفر سبيتان بن علي العويمري الرشيدي
وهي موجه لابنه سعود وتحكي ما مر بحياته ويشكي عليه الكبر
يا سعود اشوف الحيل قام يتردى= مدري كبر والا ردا حيل ياسعود
وسود الليالي لي قامت تحدى = قامت تبينلي علامات وشهود
كبر وعجز والشيب يكلح بخدى =وشوف حالي فيه نقص بلا زود
ماراح من عمر الفتي ما يردى =والعمر في دنياك يا سعود محدود
والموت فينا لو ماهو بودى =ترى الحياه والموت يا سعود ماكود
يا سعود قلي وين جدك وجدى = ياما خذت دنياك عمان وجدود
تطحن رحاها وحبلها مسمهدى = دنيا فني للخلق والحبل ممدود
والمسعد الي بطاعة الله تقدى =في جنت الفردوس والحوض مورود
افهم وصاتي جعل عمرك يمدى =اوصيك بالطولات والطيب والجود
اوصيك بفعول الردي لا تبدى = اسلك طريق الطيب في كل مجهود
لا جاك راعي حاجٍة لا تصدى =عطه من الماجود والرب معبود
وعلى رفيقك بالغلط لا تعدى =ترى التعدي يا فتي الجود منقود
ولا ترافق الي الرفقتك ما يودى = ولا تواشي المقرود تراه مقرود
وياك والغرات لا تبيح سدى =لا تكشف الغرات وتبيح سدود
وصلاة ربي عد مزن رعدى =عداد ما هلت هماليل ورعود