الجدي
من يبا يلعب الطاروق يسرج حصانة=لايجينا على رجلة وضنـه يخيبـي
الجدي نجم ثابت ياعرب في مكانـة=يوم كل النجوم من السماء هي تغيبي
شاعر الوطن
جيت لشاعر الي مختفـي فـي زمانـه=يمكن أضرب معه صحبه ويصبح صحيبي
هات علمك عسى علمك جديـد الصيانـه=والسوالف تزيـن اليـا بداهـا الخطيبـي
الجدي
ياالله انك تحيي كـل رجـل تكانـه=وخوتك تنشرى مافيه شـك وريبـي
خلها بالبعيـر اللـي وسيـع بطانـه=هرشنا اللي دخله الشيب قبل المشيبي
شاعر الوطن
البقى وانت رجل(ن) ضمانه بالضمانه=رجل وافي ورايه بالمعارك صليبـي
البعير المسمى مـا يشيـل الامانـه=والامانه تريد الي يحفـظ النصيبـي
الجدي
وانت مثلي شجاع ولاتجيك الجبانه=تنتصر فالمغازي في نهار الحريبي
الامانه مع اللي مايعرف الخيانـة=وهرشنا كل يوم حادر له شعيبـي
شاعر الوطن
المسجل بدونه مـا تهـرج اسطوانـه=والجروح العطيبه مالها الا الطبيبـي
هرشنا مالـه الا ضربـة الخيزرانـه=طاب له الوضع ولا يا عسى ما يطيبي
الجدي
المسافر لو انه راح لأرض الكنانه=حط واحد بداله عنـه والله ينيبـي
يحسب الحنظله ياصاحبي بردقانه=ناقص العقل ماهو مثل منهو لبيبي
شاعر الوطن
لو تقول الحقيقه ما تحصل حصانه=الزمن يالجدي مقلوب وايضا غريبي
يحسب انه ذهين ولا يعرف الذهانه=ولو ورد يالجدي تلقاه وسط القليبي
الجدي
مار هاذي غبينه يارفيـع المكانـه=الحقيقه ترى ذا الوضع جدا صعيبي
فيه كبر عظيـم وفيـه والله لعانـه=مثل طبع الحصيني لوهو قال ذيبي
شاعر الوطن
لو نفل الشريط ولو قرينـا بيانـه=كان كل الاودام قالو انه عجيبي ..؟
خلها بيد ربك لـو يطـول لسانـه=والله يهدي الزعيم الي بعيد وقريبي