مساء الخير للجميع وخصوصا النقاد
اليكم هذه القصيده شرحوها بيت بيت واحذفوها او ثبتوها اذا كانت تستحق!
عز الأكابــــــر
ياشينها لامات.. حلم المثابر= اللي تعلق فيه من يومه أصغير
مخدوع يحسب للمناظر. مخابر =وأثره وهم يرجيه بالواقع أيصير
مطعون من غالي ويجحد وصابر = للجرح نزف ويقتنع بأي تبرير
يبكي بصمت ومستصيب و يكابر= على جروحه.. ما يبي يجرح الغير
بضحك وقلبه للمواجع مقابر = صمته أنين وضحكته لونها غير
وليا تذكر و أجمل العمر عابر=والعمر مره والليالي مدابير
تضيق في عينه جميع المعابر= و كن الحياة بنظرته تالي أعصير
مر الندم. والحب. ملعون ثابر = مره حلا وأشواك دربه نواوير
يا صاحبي.. لو جبت كل المحابر= ما تكفي.. أشتات المعاناة تصوير
هذا الزمان اللي يقولون.. غابر= تقتلني الحسرة وأنا حي وأسير
من يسألك قله على ما نت خابر= ضلع(ن) تصافق به رياح المقادير
به صمت(ن)ابلغ من جميع المنابر= وفي داخله سر وحكايا وأساطير
واقع.. تجلى فيه عز الأكابر= مير الزمن.. من طاوله ما هو بخير
شعر: نشمي بن عائش الذيابي