القصيده :قصيدة أجمل سنين
إرتاح بعيوني غلا داخل العين
مسكنك حلو الشوف وفراشك اهداب
عمرك شباب العمر ياأجمل سنين
وإسمك كتبته دم بكتاب الاحباب
تعبت وطالت غربتي والعناوين
وطرقت بإحساس الامل كل الأبواب
ورحلت في صحرا الضما والمحبين
وضميت بعيون السهر جرح الأغراب
كانك تمنيت العتب صاحبي زين
خذني بقايا غلطة الحب وأسباب
انا اعترف من دون ما أحلف الدين
اني أحب وخاطري عنك ماطاب
مليت اكابر غربتي والفرح وين
مع غيبتك كل الفرح والأمل غاب