ياأنسة لاتسألينـي فـي غيابـك كيـف أكـون=عذرا لـك علـى سـوألِ مـا بقـول أجابتـه
أهون على اموت من صبري على ظلم الطعـون=ولا أصحـي همـي اللـي فالحنايـا كابـتـه
قطعت الك كل المسافه والتعـب عنـدي يهـون=ولا بقى غير الطريـق اللـي تعـاوى ذيابتـه
والليل أسرف في ظلامه وامتلا صمت وسكـون=لكن بقت رجلي علـى وجـه البسيطـه ثابتـه
ظلامه أشبه بالعمى وان قلت وش ذنب العيـون=اقـول ماكانـت تبـاه وقــدرة الله جابـتـه
فـلا تلومونـي اذا ماخلـت بـراق الـمـزون=وياليتها تدري عـن اعيـونِ ظمـت سحابتـه
واذا الظما يهابـه اللـي يحرثـون ويزرعـون=فالناس لو ماالموت من بعـد الظمـا ماهابتـه
وانا اموت من الظما ويكـون بعـدي مايكـون=لكن تعيش الورده اللـي فـي ضلوعـي نابتـه
أستغفر الله والقصيـد اللـي حدانـي للجنـون=وشلون ينساني وانـا اللـي مانسيـت اكتابتـه
ياصاحبي والليل طول (والحديـث ذو شجـون)=وصاحبك شوف اقدار عمره كيف اهي سوابتـه
احيان يرضى بالمصيبه والصبر علـى الغبـون=واحيانَـا يقـول المصيبـه ليتهـا ماصابـتـه
لكن ماهمه ولو عـاب الكثيـر مـن الظنـون=أهم شي انـه (رحـل) والنـاس ماقـد عابتـه
صحيح جرب والتجارب كل شكـل وكـل لـون=وازداد وازدادت علـى مـر الزمـن ذرابـتـه
وعرف بان الحـزن (كافر)والغلابـا يعرفـون=ولاّ على ايـش الكئيـب يمـوت مـن كئابتـه
وان الطعون اللي غدر لو جات من صاحب يمون=طاح الشجاع اللي علـى قبـره تباكـى لابتـه
وبدون لاأوصف شعور الغبن والضيقـه بـدون=أسأل يتيـمِ شـاف كـل الظلـم مـن قرابتـه
وان الطغاة اللي بنوا فالارض اسوار وسجـون=فأعناقهـم ديـن وملايكـة السمـا طلابـتـه
فذبابة النمرود في قرن ِ مضـا مـن القـرون=طغـى واسـرف ليـن ربـي عاقبـه بذبابتـه
هـذي ثوابـت مايغيرهـا كـلام المبطـلـون=حتـى ولـو ان الـزمـن تغـيـرت ثوابـتـه
//
//
//
مماا راق لي
"
"
"
تحياتي