اقتباس من مشاركة ناصر خنيفر
ابو صالح انت شاعر فحل انا من المعجبين في شعرك صح السانك اسمحلي اعبر بشي قليل حيث انني اعجبت برسم القصيده وذا سمحو لي الربع نطلق عليك بن لعبون رقم2
هذا الوفا يالي تعرف الجميلي = مدح الخوي والجار واللي يطيبون
ولاخير في هرجن بليا دليلي = لايابعد من بقصراهم يحشون
ذكرتني وقت الرحيل ونزيلي = يوم البدو من فوق الانضا يشدون
اليا قطنو من فوق بيضاء نثيلي= والصبح يامد الحلال ايتبارون
وبيوتهم مزبان من جا دخيلي = دب الدهر لبوابها مايصكون
شهرين والثالث وكلن يشيلي= لاحت بروق الوسم من رايح مزون
تفرقو والكل جاب الحصيلي = دمعن من الفرقا ترس محجر النون
جيره شريفه والله اللي كفيلي = والناس في خاف الخفا مايعلمون
وصفت وصفن كن عيني تخيلي = ونبغا نكمل مابقا لبن لعبون هههههههههههه
والزبده المعنى لونه قليلي = احسن من اللي بالقصايد ايهذرون
وانا اعترضت صحيح مالي سبيلي = لكن عصمان الشوارب يعرفون
|
الله الله
صح لسانك ياابوتركي
وبيض الله وجهك على هالمجاراه الرائعه
ويستاهل شاعرنا ابن لعبون 2
بيض الله وجيهكم جميع
آخر تعديل بواسطة برق الوسم ، 25-06-2009 الساعة 04:29 PM.
|