اقتباس من مشاركة ابوصالح الشويلعي
السلام عليكم ورحمة الله وبركاته
اسعد الله جميع اوقاتكم بالمسرات.
اليكم هذه القصيده التي تتحدث عن مفارق الجيران..
[poem="font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]لاوالله الا صملو بالرحيلي=ماعاد فيها شك يلي تضنون
عندي على هذا الكلام الدليلي=مصدر ثقه ماهي وكالة يقولون
ماخذت فيهم هرج راع النقيلي=لقيتهم يوم الوداع ايتباكون
شالو وشدو من ضواح الجبيلي=واتلا خبرهم في بريده يحطون
وانا دموعي من غلاهم تسيلي=لاشك مابيهم عن الوضع يدرون
اصد واغضي عن جهتهم وميلي=لو ان قلبي من غلا زيد مشحون
ربعاً مفارقهم علينا ثقيلي=يبقى غلاهم داخل القلب مدفون
ياماتقاصرنا زمانن طويلي=عشرين عاماً روحاً ماتقل لون
كنا على حد السواحل نزيلي=ناخذ ونعطي والسوالف لها لون
لانشرو من عقب وقت المقيلي=في شبة العصر البعضهم اينادون
في موقعاً بالوصف ماله مثيلي=دكه وتطرقها النسايم على الهون
بحريتاً بارد هواها عليلي=على ضفاف الشرق والكيف مركون
طيب استراحتنا نهاراً وليلي=والزول فيها يقول حاضر وممنون
يضبطلك الدله عويدي وهيلي=يزلها ابو (التوم) وبليس ملعون
وعقاب نقله يعتبر مستحيلي=ثابت وخلق الله يجون ويروحون
وعلى فراق الربع يعول عويلي=عويل ذيباً حده الجوع والكون
مع كل طعس وريع يهذل هذيلي=عليه سلفان الرعايا يصيحون
لاشك مهما كان يبقى زميلي= هذا الصحيح وقولو اللي تقولون[/poem]
|
ابو صالح انت شاعر فحل انا من المعجبين في شعرك صح السانك اسمحلي اعبر بشي قليل حيث انني اعجبت برسم القصيده وذا سمحو لي الربع نطلق عليك بن لعبون رقم2
[poem="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]هذا الوفا يالي تعرف الجميلي = مدح الخوي والجار واللي يطيبون
ولاخير في هرجن بليا دليلي = لايابعد من بقصراهم يحشون
ذكرتني وقت الرحيل ونزيلي = يوم البدو من فوق الانضا يشدون
اليا قطنو من فوق بيضاء نثيلي= والصبح يامد الحلال ايتبارون
وبيوتهم مزبان من جا دخيلي = دب الدهر لبوابها مايصكون
شهرين والثالث وكلن يشيلي= لاحت بروق الوسم من رايح مزون
تفرقو والكل جاب الحصيلي = دمعن من الفرقا ترس محجر النون
جيره شريفه والله اللي كفيلي = والناس في خاف الخفا مايعلمون
وصفت وصفن كن عيني تخيلي = ونبغا نكمل مابقا لبن لعبون هههههههههههه
والزبده المعنى لونه قليلي = احسن من اللي بالقصايد ايهذرون
وانا اعترضت صحيح مالي سبيلي = لكن عصمان الشوارب يعرفون[/poem]