[صقر ابن عبس]

بسم الله الرحمن الرحيم

السلام عليكم ورحمة الله وبركاته

هذه قصيده للشاعر زايد ابن عدله تتحدث عن حب الوطن والولا ونبذ الارهاب

فاليكم القصيده
حب الوطن في قلب الانسان مغروس
من خلقت الدنيا لتالي رحلها
حب الملك حب الوطن شيء ملموس
واكبر دليل اللي حضر بمحفلها
واسم السعوديه واهلها على الروس
نفخر بها بين الدول ونحملها
حنا سعوديين لهجه وملبوس
هذي بلدنا ماندور بدلها
مافيه بين الشعب ريئس ومريوس
الريئس اللي بالعداله عدلها
عبدالله اللي كاسبٍ كل ناموس
ابن المليك اللي رقى في جبلها
اللي تذل الهيبيته قوة الروس
ثبت عمدها بالسيوف وفصلها
يالله عساه بجنة الخلد فردوس
ويكمل السيره ملكنا بطلها
حنا لابو متعب صناديد وحروس
اليا خلط سم الحيايا عسلها
ياخادم البيتين ياذيب دلقوس
حنا معك واللي تبى تقول قلها
حنا حماة الدار من كل جاسوس
مايعتزي من دونها غير اهلها
واللي جهلنا يلقن دروس ودروس
بالسيف نقطع كل رأسٍ جهلها
ياشلة التخريب يازمرة البؤس
مملكه ماكل طاغي دخلها
والدين من عبث الشياطين محروس
دنسه ملحد ومشرك عملها
لأجل الوطن ناطا على الصعب وندوس
نفسٍ عمرها الله ونفسٍ قتلها
حنا له دروعٍ وحنا له تروس
للي عما عينه بكفه كحلها
حنا نطلع كل خافي ومدسوس
لين العداء تبرك ويرغي جملها
وبشاية الله ضلع الارهاب مكنوس
والقاعده من كف نايف شللها
يقضي على الارهاب في كل قاموس
اللي ليا كبرت عليه ارتكى الها
نفديه بأغلى ماملكنا وبنفوس
نايف وزير الداخليه فحلها


صقر ابن عبس