الي الجوري
أنا هويتك ياضيـا كـل الانـوار
يانـور قلبـي ماتمنيـت غيـرك
أسوق لك قولي تناهيـد وأشعـار
وتشوف فعلي بالوفا في مسيـرك
يامنوةالمشتاق في سـر وأجهـار
أنت الذي بالزين محد(ن) خشيرك
شفت العبير اللي تفوٌح بالازهـار
كنّه يغار من الحلا فـي عبيـرك
لامانقص قدرك من الحب مقدار
ومازاد لنٌه يشتكي من كثيـرك
"انا حبيبك مسندك صار ماصـار
مابه ضما لاصار يرهى غديـرك"
خلٌك معي بالدرب نمشي بمشوار
تعيش فيني وأنتشي في ضميـرك "
هذا العهد وأخذه من القلب تذكار
ببقى معك بالعشق دامي عشيـرك