ياأخ لو قلت (اااااخ ) من لسعة الشور
سم العتب جايز يعالج ظمورك
يا رهيّف الطينه ترى منت مجبور
تخفيَ الْْْْْْْحزن بالكذب تظهر سرورك
غرك مخادع واخدعك( نجس ) مغرور
خلاك تقسى واتّتباهى بغرورك
اسفنجةٍ تمتص من طيبك بحور
قطره وقطره لين تفنى بحورك
حولك بنى من طين طيبك الف سور
عزلك عن عالم صباك وشعورك
هو نار وانت تخايله ياغبي نور
احرقك يالغصن الخضر من جذورك
يكفي يقودك ( ثور ) يامحترق ثور
حرك سكون بثورتك وابنفورك
لو منت عاقل يا ولد قلت : مسحور!
عاقل ولكن للاسف؟ ضاع دورك
ويكفيك نايم في حظن ( كلب مسعور )
واتعيش كنك غايبٍ في حضورك