السلام عليكم ورحمه الله وبركاته
ياجارنا ماتقـدر العيـن فرقـاك=شـدوا نشـد أولانزلتـو نزلنـا
انا معك لو صارت الهند منصاك=تهون من فرقـاك فرقـا وطنـا
والله مايطرى على القلب ينساك=طول الحياه ولو نويتـو زعلنـا
عقب الغلا والولف مايمكن اجفاك=وان رحت يالمجمول قمت اًَتمنـا
ياناعس الطرفيـن والله لـولاك=ماينشغل بالى ولا اًمـرح معنـا
لاتنشغل عنى ولا تقصر خطـاك=ولاتبتعد يـا ليـن العـود عنـا
على الهوى والحب مديت يمناك=ن الليـال السـود مايفرقـنـا
للشاعر القدير راشد بن جعيثن