بسم الله الرحمن الرحيم
السلام عليكم ورحمة الله وبركاته
إخواني أعضاء وزوار منتديات قبائل بني رشيد
كما عودناكم في كل اسبوع نختار محاورة مميزة من محاورات الأعضاء
هذا الاسبوع وقع الإختيار على محاورة الشاعرين : صميدع راس و عبدالباري
صميدع راس
وين عبدالباري اللي غاب له تقريـب عامـي=ودي اسولف معه مـادام حاضـر ياجماعـه
شفت لي رجل نقز من رجلها صوب السنامي=والله اني مادريت انه بعـد يملـك شجاعـه
عبدالباري
ياصميدع رأس جيتـك حـادر ٍ واد النعامـي=هات ماعندك وما في بطن اخوك من الرضاعه
خيّل البل ..بندقي تشبع وتروا مـن حزامـي=من هو المرضان هذا اللي تقـوده للاشاعـه
صميدع راس
ودنا نربط براس شعيـل ذا الليلـه خطامـي=البعير اللي دخل قلبـه مـن الايـام راعـه
الهدف بين وفي خصره تقلـد لـه حسامـي=مادرى ان الموت اله سكره واله حزه وساعه
عبدالباري
البعير اللي عليه الطير ابـو دنقـور حامـي=مابقا ألا ذيله اللي يضرب بحـدري كراعـه
لاتلومـه مايشـوف ألا جراهيـد العـدامـي=طب سوق المال وان ماطاع سوق المال طاعه
صميدع راس
مايحصل من ورانا لاشراب ولاطعامي=لو يجي يمي يصيح ويعتـزي تقطـع ذراعـه
مانلومـه جعـل داره ياعميـلـي للهدامــي=كيف يصبح ريس العربـان فـلاح الزراعـه
عبدالباري
الديار الممحله تخضر ليا اسقاها الغمامـي=والوصل للقلب خير من الجفيا والقطاعـه
لوعزم ضيف الكرامي مانقص قدر الكرامي=ليه ضايق ياوديـع ٍ ماتضايقـه الوداعـه
صميدع راس
الديار اللي وطاها الغيث تنبت بالنوامـي=ونشرة الاخبار تظهر بالروادي والاذاعه
ياخو وضحى وقتنا غبر وزاد به العسامي=شبعة ضباعه وذيبه عايش عيشة مجاعـه