سويت فنجالي وأنا خاوي الراس
٠٠٠ لكنّ فنجالي ماعدل مزاجــــي
حمسة صديق اليوم ماتبري عماس
٠٠٠ هي مصدر عماسي ولاهي علاجــــي
إن زدت بالشرهه يزيده تغطراس
٠٠٠ وإن جيت بالمعروف جاه اندراجـــي
وإذا نصحته يفهم أكثر من الناس
٠٠٠ وإذا طلبته شي بالحال ماجـــي
أقرب تواصيفه بوسواس خنّاس
٠٠٠ مايمشي إلا درب فيه انعواجـــي
أهدوه صدقان الردى شربة الكاس
٠٠٠ وقالوا تفضل شي فيه اندماجـــي
وإن غاب عن وعيه يقولون لا باس
٠٠٠ عيش أجمل اللحظات في برج عاجـــي
شلة لهم في حفرة الشين مجلاس
٠٠٠ سرب الرخوم اللي على النقص راجـــي
يارب جنبني عن دروب الادناس
٠٠٠ ولاني لغير الله بهالكون راجـــي
وسلامتـــــــكم