[العريض]

	الحـظ مفتـاح الـدروب المغاليـق او قفـل بيبـان الليـال وخطـاهـا من ليلة الحمـى لقتـك المعاليـق في ثلجها في جمرهـا فـي لظاهـا واسكرك ياهم ورا الحـدب وتفيـق كل الطعـون المرمسـات وعناهـا ومنين أببـدا يـا جـداد الطواريـق وانتي مواريـف الجـروح وذراهـا من ضيعة السجة ومـر المذاويـق ولا من عيونـي سهرهـا وماهـا بعض العلوم يجف من دونها الريـق وبعض العلوم يجف ريقـي وراهـا كحلت عيني من وجيـه المخاليـق للساعة اللي ينثنـي مـن عصاهـا ويومي زبنت العين في موقف الضيق لقيت مـن كحـل طرفهـا عماهـا بعض اللحى عز بوجـه المطاليـق وبعض الوجيه اكبر خزاهـا لحاهـا تغـرك ازوال الرجـال المطافـيـق لو انهـا ماتختلـف عـن نساهـا هزايل تلهـث ورا الهـرج وتضيـق من قبل تخلـق والزمـان أيهجاهـا اللـى ليـا حملتـهـا بالمواثـيـق تضعضعت يسبـق ميلهـا رغاهـا وياليل وان مريـت راع العشاريـق غب الهمـوم اللـي تزايـد بلاهـا قله طروش القلب جمـع وتفاريـق ذود وطى قفـر الضلـوع ورعاهـا ومابين مزموم الورق والشواهيـق ضيـع دروبـه وان نزلهـا رقاهـا خالد العتيبي

الموضوع الأصلي: الحـظ مفتـاح الـدروب المغاليـق | | الكاتب: العريض | | المصدر: شبكة بني عبس