كيفكم ياغالين
ان شاء الله كلكم ومن تحبون بالف خير قال من خله توفى واندفن.........قبل يجمعهم نصيب بالحياة
أسألك يالله بكل اسم حسن......يا كريم أسألك بأعلى الصفات
وأرجي انك مع حبيبي تجمعن....وسط جنة عدن من بعد النجاة
راح في عزة شبابه وتركن...........فرقتنا قدرة الله يوم مات
شافت عيوني حبيبي بالكفن.....شايلينه بالنعش لأجل الصلاة
ابعدوا به عن و رجليني عصن....ما قون المشي صارن واقفات
قلت يا رجلين امشن واركضن.....سابقن الريح وانتن جاريات
حاولن المشي لكن ما قون....طاح جسمي يوم صارن عاجزات
صارت عيوني جهتهم ينظرن.....ليت رجليني معاهم ماشيات
صحت بأعلى صوت يا من يسعفن...من يسوي خير يتلى بحسنات
مامع المقفين أحد يرحمن......قاسيات قلوبهم مثل الحصاة
مابهم من رق لي يوم سمعن.....لاولا منهم من تكرم بالتفات
صرت انا ازحف فوق صدري والبطن..واختلط دم ودموع سايلات
دم جسمي من عروقه ينزفن....من كثر زحفي على أرض فلات
مع دموع من عيوني يذرفن ...من كثر نوحي على حسن الصفات
اشتكي هم وغرابيل وحزن......داعين ربي مجيب الداعيات
أسألك يا ذا الجلال تحملن......العزا والصبر فيها والثبات
يوم ضاعت حيلتي وتشتتن....جملة أفكاري وصارن ضايعات
خايف اوصل قبرها بعد الدفن....لكن الله وصلن قبل الفوات
كن خلي يوم شفته ودعن......قبل دفنه وسط قبره بلحظات
مامع اللي حاضرن دفنه فطن....حين ما عزوا أهلها بالوفات
موقفي صعب وفؤادي به مكن...حسرتن ظلت جروحه صاديات
صرت انا من غير ما أشعر بس أون..وأتقلب من جروحن خافيات
فوق قبرن فيه محبوبي سكن ....لعل أركانه لها مستاسعات
قربوا أهله وقالوا انت من ....كيف في نفسك تسوي السوات
ضاق صدري زود وعيوني بكن..قلت انا اللي فيه عزوني عزات
أسألوا قلبن لها دايم يحن.....حبها نابت على أرضه نبات
وأسألوا عين بكتها في شجن...جرحت خدي دموع حاميات
قالوا انت اللي على لسانه لحن...قبل تتوفلى عطتنا لك وصات
قالت أوصيكم بمن حبه فتن....قلبي وروحي لحبه شاهدات
رددت أسمك وهي بين المحن...وقالت انه هو أعز الأمنيات
كل شي قبل موتي ذكرن....أسعد اللحظات وأحلى الذكريات
مع حبيب الروح لكن الزمن....أصدر أحكام علينا جايرات
بالقدر نرضا وربي قال كن ....وكانت الفرقا وماله مانعات
والقضا لو قاسي أحكامه يحن...ودنا نرضا ولا نجزع بسات
وآخر اللي قالته لا يقطعن.....من زياره مع سلام كافيات
قلت انا متأكدن ماني أظن....لا سألت الله بحسن الخاتمات
يستجيب لدعوتي في ما أستعين...وما أستعين بغير ربي هيهات
ربي ارحمها كريم ما يمن....يعطي غفرانه بدون مشاورات
يجعله تسكن في جناتن علن....جنة الفردوس أعلى العاليات
والختم صلوا عدد ما يظهرن....من نجوم وعدد ما بالكائنات
وعد ورد فوق الأغصان أثمرن...من نبي الله سلام وصلوات