[عبدالله الراشد]

[POEM="font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الشعر دولة مابها كود بيتين =كملتها وصارت قصيدة طويلة
اقولها هالحين من شان بعدين= ماتضيع الطيب وتنكر جميلة
كل يطلع فعل يمناة ويبين =وكل يحدد قيمتة من حصيلة
المجد مايشحذ ولاينوخذ دين=واللي ماهو قد الزمن لايجيلة
يابن الحلال الطيب ماله قوانين =الطيب فطرة وانت راعي طويلة
وكلمة ونعم تقال وتشاف بالعين=واللي يبيها لازم يشد حيلة
ولولاي اقدر ناس ماهو رخيصين=احرقت باوراق النفوس الذليلة
ماراح تندم لك على شي هالحين=الا ان طيبي مانت لاقي مثيلة
انت اخر اخر من يقول انت ياشين=ظهرك ماهو كفو حمل تشيله
الفارس العبسي يدك الميادين=سيفة خذا من كل دمٍ فصيلة
بعض الرجال يبين انة مسيكين=ياحليلة ان سولف وياعزتي له
انت مشيت ولا انت عارف على وين=وانا رقيت براس راس الطويلة
انت تمثل لك من اصحابك 2=وعبدالله الراشد يمثل قبيلة[/POEM]

الموضوع الأصلي: اهداء الى كل من يتابعني (القصيدة) نشرها حصري هنا بمنتدى ربعي ... | | الكاتب: عبدالله الراشد | | المصدر: شبكة بني عبس