عبدالرحمن المطيري
سلامي عد هتان المطر لربوعي المطران = وعلى باقي النشاما الحاظره مليون ترحيبه
انا ناويك نيه وان بغيت الصدق يافوزان= مصيبه لان ذبحتك وان تركتك برضوه مصيبه
فوزان
ياهلا يامرحبا ترحيبة المطران في المطران =ليامرالمطيري صاحبن رحب به صحيبه
وانا ماني بكيف مقطعين الروس بالخليان= ولاني من ينزل محزمه والفرد في جيبه
عبدالرحمن
حزامك مايفكك لو يجون الانس واهل الجان= اشوف اللي سواتك ماعرف قدره وترتيبه
علامك يابن مربح بالطريق تعارض الغزلان= انا خابرك رجال تود العلم وتجيبه
فوزان
يابن متروك لوتتركني احسن لك وانا فوزان= كثير الناس بينا عليه الشك والريبه
علومك لاتسولفها على العرجان والحولان = يصدق الردي وتحسف الطيب على طيبه
عبدالرحمن
انا بيني وبينك لعب والميدان ياحميدان = واشوفك يابن مربح قمت تخطي العلم وتصيبه
اسالك عن خفاي موقفك في محكمة عمان= تعكر نبعك الصافي بعد صفيت مشاريبه
فوزان
انا خابرك رجال تبي حرية النسوان = تصوت للقرار وما توصابه توصيبه
على هونك تراك بدولة االاسعود والاخوان= رقبة السيف شامان انتبه تقرب تلابيبه
عبدالرحمن
انا شاعر وصادق وطيب ولي عنوان= واخاف انه لاطاح الجمل تكثر عذاريبه
ابثبت في محلي لين ارجح كفة الميزان= لان الحر لمنه نوا حقق مطاليبه
فوزان
انا مدري من الرابح وانا مدري من الخسران= ولاني فاهمن بعض الكلام اللي تهذري به
حقيقه حر واوصافه ماهي مع طير ابن برمان= واعرف الحر لامنه طلع صادة مخاليبه
عبدالرحمن
تقوله وانته محامي لابو هنود والافغان = لاشفته حضر فزيت من قلبك تهلي به
ترى المضمون شي جربه من حولنا الجيران= ولو به عيب بين في ضحى جيرانا عيبه
فوزان
يقال الفيل اله خرطوم والخرطوم بالسودان = وحكام الرجال السود مدري وش تسوي به
ترى نارك يابن متروك نار مالها دخان = ياحلم الليل سر الليل عنا وانتف الشيبه
عبدالرحمن
واان اشوف النمر باسمه تسمى نمر ابن عدوان = اساليبه كثيره والشجاعه من اساليبه
ونار الحشر سوداء كان تسالني عن الالوان = اسال الله باسمائه يكفينا ملاهيبه
فوزان
تسمى بالاسامي كلها واستنجد الشران= انا عمق البحر ينظر له السباح ويهيبه
تبى تشري بقيمة غاليه وتبيع بالمجان = على شان تحلف ماتبيع في شوقي وتشريبه
عبدالرحمن
الياصرتوا عرب تاتحبسون الذيب بالدكان= بورد القدر درب قبل مانته بضاريبه
بحور تهلك الراوي ولاكن تروي العطشان= وان جاها الابن ادم يشتكي حشة عراقيبه
فوزان
لياصرتوا بديون ترفعون البيت بالعمدان= ولياجته الرياح العاتيه شالة مناسيبه
وانا ماني مروح لين قدمي تخلي المرحان= واخضك يالغدير اللي تزارقبه دغالايبه
عبدالرحمن
انا اوحيت الاسامي كلها ماعجبني الا فلان= وبحرك اللي تقوله عارفه من قبل تجريبه
سواتك رجل واعي بس حضه طايح وبلشان= بلش مابين تسحيب العباه وفتل اشانيبه
فوزان
تقدا يالمطيري لاتقدي دربك العميان= عيونك فيك لايعطونك الباكور تمشيبه
ترى عيب العيون اللي مصابه في عمى الالوان= لاحط الهدف لونين ماتحسن مضاريبه
عبدالرحمن
تقدينا نعاره جبتها من مصنع الجدان = وعقل قدم خلق الله لاضاقت نماريبه
هذا انت تشوف بعيونك ولاكن عقلك التعبان=ومثلك يابن مربح كيف مدري ويش اسويبه
فوزان
رفيقي عارفه من روس قوم تبرح الريعان= على روس الشواهد يسحب الصاحب مصاحيبه
ولكن ان افت العقل ابليس والنسيان = وانا مامد حبل لرفيق ابليس يوميبه