[ثنان]

اقتباس من مشاركة عبدالرحمن العويمري كنت ابتسملك واتحاشا خطاياك=واقول مامثلك مع الناس زيني وافرح ليا من شفت بسمة محياك=واحاول اكتبلك قصيد(ن) ثميني وكتبت لك شعري على كف يمناك=واهديت لك قلبي وروحي وعيني ومهما كتبت الشعر في وصف ممشاك=ماظنتي يوفيك كل السنيني وعجزت بيوت الشعر تاصف مزاياك=صعب(ن) عليها تاصفك ياظنيني ماقلت لك اهواك واهواك واهواك=ماتصدق انك صرت مني وفيني وهمي الوحيد بدنيتي كلها ارضاك=واهديت لك كل الغلا والحنيني من زود حبي لك ومن زود لاماك=اصبحت اشوفك بين رمشي وعيني لكن...خساره ماتوقعت ابالقاك=نسيت عهد(ن) كان بينك وبيني ونسيت عهد(ن) شلته بكف يمناك=على الوفا والحب عهد(ن) يميني ومن عقب مابانت حقايق نواياك=ماعدت ابا أرجع لك ولا أبي تجيني خلاص انا هالحين ياحب ابنساك=وقلبي قسا ماظنتي لك يليني والقلب عافك واعلن اليوم: فرقاك=وقلبك اليوم وينك وويني خلاص انا ماأطيق شوفك ولا أبغاك=من باعني بعته ولو هو ثميني الشاعر عبدالرحمن سويلم العويمري

صح اللسانك يالسمي