[حلا]

قريه أوزنجول

قريه صغيره منعزله نوعا عن العالم ..تقع في شرق تركيا ....عباره عن بحيره كبيره في وسط الجبال ....القريه بسيطه وهاديه مافيها غير الطبيعه..... طبيعه لما تشوفها لازم ترددي سبحان الله سبحان الله اللهم ارزقني الجنه ....
الجو بارد في الصيف ورذاذ خفيف ماتحسين فيه ...
هذي صوره للقريه

ولو حبيتو تسكنون في كوخ يتوفر مجمع يسمى ((اكواخ ايجون )) عباره عن اكواخ خشبيه من دورين تكفي تقريبا 6 اشخاص ...لما تسكنين فيه تحسين نفسك هايدي ونفسك تجرين وتلعبين بين الزهور والفراشات و
هذي الصوره لاكواخ ((ايجون )) ايجارها تقريبا 600 ريال لليله بس اتوقع هذي السنه رفعوا في السعر لان الاسعار في ازدياد

الاكل في القريه لذيذ جدا ورخيص .. عكس العاصمه اسطنبول وبورصه
الناس ملتزمين في اللبس واخلاقهم اخلاق قرورين يرحبون بالضيف العربي ..
ويعرضون المساعده من غير مقابل ...ممكن تجعلون مقركم الرئيسي في القريه ومنها تطلعون رحلات او اماكن قريبه منها مثل جبل ((السلطان احمد )) راح تلاقي الثلج لسى ماذاب في الوقت اللي احنا في جده عز الصيف ...
((اللي يحب الهدوء والطبيعه راح ينبسط في القريه ))
على فكره النهار طويل جدا في القريه
صلاه الفجر الساعه 3,5
صلاه الظهر 12
صلاه العصر 6
صلاه المغرب 8.5
صلاه العشاء 10,5 ومافي اذان على طول اقامه
هذا تقرير بسيط جدا عن القريه من اعدادي الشخصي

الموضوع الأصلي: ((قريه أوزنجول )) بتركيا ,,,,,,جنه من جنات الخالق في الأرض | | الكاتب: حلا | | المصدر: شبكة بني عبس