[عبدالرحمن هليل]

ياعديم الوصايف يالجميل الفــــــتون* يارقيــق المشـــــاعر ياحسين الطبوع
استمع لي دقايق معــك بحكي بهــون* دام ربــي جمـــــعنا لا تســد السمــوع
وش حصل من جنابي يوم فــيه تخون* ليه تقفي وتنـــسى ياغــــزال الفــروع
وانت عارف غلاك وشايــفه بالعيون* عارف اني بحبك شخص ماني خــدوع
يشهد الله وبعـــد الله هلك يشهــدون* في الغلا اللي مقره وسط هدف الضلوع
كيف تنكر غــــرام اللي بحبك فتــون* منك يبغى الوصل واثريك جافي قطــوع
عقب ماانته بقربي ياحبـيبي حـــنون* صرت قاسي وصار الصد عنـــدك يروع
كان تبغى المفارق روح غيرك يجون* بس حذراك بعد اليوم تطــــــري الرجوع

الموضوع الأصلي: استمع لي دقايق | | الكاتب: عبدالرحمن هليل | | المصدر: شبكة بني عبس