ملفي الشاص يـوم انه شراه
تقل بالحــــــــي فجر قنبله
ناس ضده وقليل اللــي معاه
واكثر الخلق قالـــوا هجوله
قلت يا ناس بالشاص امعناه
أشهب اللــون ويعرف اهله
وابو عباد مــــــادور وراه
للفـوايـــــــد ولا ربع اهلله
راعي الشاص يوم الله عطاه
لــو يخيـــر بغيــــره ما قبله
عند راعيــــــــه ذخرا لابغاه
في لــزوم دخل ضمن عمله
وشال عزبته وفراشه طواه
ودق سلــــفه وضف معسله
لا رمس بخايـــــع كنه قطاه
سايقه عن محيــطه يـــعزله
ماخبر له وصـوف ولاحلاه
غيــر ذكر العصــــور الـوله
مثل الابجر وعنتر لامتطـاه
ودك سرب الجيوش المقبله
يا سلامــــي سلام الله علاه
أشهد أنه يفك المعضلـــــــه
مستـوى سايقه مع مستواه
الفخــامه علتهـا المــــرجله
وهاجسي مادعاه اللي دعاه
غيــر يكتب عن اللـي داخله
وكل شــــــــيء يشد الانتباه
من البديهـــي عليك تقوم له
حمود البراهيم