السلام عليكم ورحمة الله وبركاته
أقدم إليكم هذه القصيده أتمنى ان تنال إعجابكم
الجو هـادي والمشاعـر تناشـد=وين الحبيب اللي مطـول غيابـه
مرت شهور ولالفانـي عنـه رد=وحط الغياب بوسط صدري زهابه
يطعن بقلبي طعنة السيف ابوحـد=والدم ينزف والعواطـف مصابـه
غير الجروح اللي ماتحصى ولاتعد=وغير الحزن والهم هو والكئابـه
وانا على درب الصبر صرت منحد=اصبر على بعده وقسـوة عذابـه
ياما عطيته بالغلا صافـي الـود=وياما كتبت الشعر باغلى كتابـه
يسقي عروق(ن) من ظماها تناهد=عطشا سبب بعده وطول اغترابـه
ان كان راح وقصده بغيبته صـد=والله ماأمـره ولاابغـا اللقـابـه
لو أن حالي من سبايبـه منهـد=ياكم من جرح(ن) وجرح(ن) لفابه
وان كان جاني وانبنا بيننا الـود=ماتت جروحن عايشه في غيابـه
أخوكم :عبدالعزيز دحيم الخياري