[محمد الراشد]

[poem="font="simplified arabic,5,black,bold,normal" bkcolor="transparent" bkimage="" border="none,10,black" type=2 line=0 align=center use=ex num="0,black""]
ياهيه انا ماني على الوصل ضاري=من يوم حبيتك اعيش انتظارك
بس انبسط مالك ومال انتظاري=ماهو لزوم انك بضيقي تشارك
محظوظ في شخص" يحب ويداري=في كل حالاتك نعيمك ونارك
لو كان بانت بالبدايه مواري=غضيت طرفي عن تغير مسارك
ماطاعت القمرا هوى كل ســـاري=افرد جناحينك وكمل مطارك
ماوالله بعينك تشوف انكساري=لو عشت انا مابين نارك وغارك
ماني بمترجيك هذا اختياري=وان جيت منت بضيف نورت دارك
طبعي كذا لا اغليت والبعض داري=ولك حق في مثلي تزيد افتخارك
خذ راحتك واترك علي الطواري=لو كان صبري معك عيا يتبارك
لو منت قد الحب هذا قراري=باعيش ليلك لين يطلع نهارك
وان قلت لي مجنون قلت اضطراري=وان قلت جبت العيد عيدك مبارك
شكرا الي ذوقي وحسن اختياري=لو كان في غيري اسئت اختيارك
[/poem]


وتحياتي
بقصيده ان قلت لي مجنون

الموضوع الأصلي: ان قلت لي مجنون قلت اضطراري .. وان قلت جبت العيد عيدك مبارك | | الكاتب: محمد الراشد | | المصدر: شبكة بني عبس