[احزان]

السلام عليكم ورحمة الله وبركاته
واسعد الله اوقاتكم بكل خير





.....

بالله ماهي قلة ادب؟قـــلة ادب

إنك تروح للمسجد بملابس رياضة أو قميص نوم بينما تروح لأصحابكـ بثوب مكوي وطيب يشق الخشم

قــــلـــة أدب
إنك تتصل على أصحابكـ كل يوم وعادي تقعد معه نصف ساعة أو أكثر بينما عمك أو خالك أو
عمتك أو خالتك لهم شهور ما سمعوا صوتك

قــــلـــة أدب
إن الواحد يضبط ساعته على الدوام بينما صلاة الفجر مايدري متى وقت أذانها

قــــلـــة أدب
إن الوحدة تقعد على التلفون ساعه وتقعد في صلاتها دقيقه


قــــلـــة أدب
انك تحصل واحد يحترم الناس كلها إلا أمه أو أبوه تلقاه يكلمهم بطرف
خشمه


قــــلـــة أدب
قلة ادب انك تشتري كل اللي نفسك فيه ويوم يجي طاري الحج او العمره قلت انا ماعندي فلوس وانا غير مقتدر


قــــلـــة أدب
اذا شفت صديقك في ورطه ولاتساعده


قــــلـــة أدب
اذا قدم لك صديقك خدمه وأنكرت فضله عليك



قــــلـــة أدب
انك تكون مسؤول عن عمل يتوقف اداؤه عليك..وتطنش وتتأخر
ويتحمل الباقين مسئولية إهمالك


قــــلـــة أدب
انك تطولي لسانك على الشغاله..وهي بسن *** علشان شغله ممكن تسويها بنفسك ((ليس منا من لم يوقر كبيرنا ))


قــــلـــة أدب
لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ...وانتي مشغوله بالسواليف


قــــلـــة أدب
انك متعلم وحاصل على شهاداة عليه.. وماتفقه اقل شي في دينك


قــــلـــة أدب
أنه مانشوف القرآن إلا من الجمعه للجمعة عشان الكهف..




قــــلـــة أدب
إن الواحد يشوف ( قلة الأدب ) ولايقول عنها ( قلة أدب )




اتمنى يكون الموضوع عجبكم ........... انتظر تعليقاتكم




دمتم بود

الموضوع الأصلي: والله قلة ادب واعذروني | | الكاتب: احزان | | المصدر: شبكة بني عبس