الاخ الشاعر الكبير محمد المويزري
لقد شرفت ومثلت قبائل عبس خير تمثيل ومن اعجابي سجلتلك هذه البطاقه الشعريه وتقبل تحياتي
اهديك يامحمد احروف المكاتيب= يالمويزري حروف مفلح تنصاك
والله مالي من وراهن مطاليب= غير السلام الله يعزك ويرعاك
شرفتنا يامنبع الجود والطيب= في منبر(ن) ماياصله غير شرواك
منبر شرف للشعر عال المراقيب= حطيت لك تاريخ بصمه بيمناك
شاعر جمعت شروط كل المعازيب= اثبت للعبسي مواقفك بخطاك
لانك من اللي يحتمون المواجيب= وافي من اول سكت المجد مبداك
ربع (ن) من اول تتعب الفطر الشيب= يوم انها بالرمح والسيف مغزاك
بالطيب وافي ياسلائل هل الطيب=بين الرجال اهل المواجيب مرباك