السلام عليكم ورحمه الله وبركاته
اسعد الله مساكم بكل خير ومحبه
طلب مني احد الاصدقاء ان انقل لكم معاناه وشكوى احد شباب القبيله وهو احمد بن محمدبن عوض العجوني المتواجد حاليا خلف القضبان الحديديه وقد صدر بحقه حكما بالسجن لمده 14 عاما ويطلب وساطه احد شيوخ القبيله لكي يطلب منهم اعاده القضيه لكي يعاد النظر في هذا الحكم التعسيفي اللذي يقول انه ظلم بهذا الحكم.
وطلب مني صديقي نشر قصيده هذا الشاب ومعاناته في شبكه النت
يالله يامجلي حالك ظلامه=يلي خلقت ادم وحواء من الطين
ياواحدن بمره نشا باذر تهامه=ياناصرن عبده في غزوه حنين
بمرك هلك فرعون وولت ايامه=تذكار للي يضرب دروب طاغين
تفرج لعينن تشكي الظلم منضامه=ادعيك من شين تشوفه العين
كلن على اليوم يكرب حزامه=ناسن مناصبها تدين البريين
كلن يقول اليوم عندي زمامه=ياسلعتن مابين بايع وشارين
ويلاه يارجال السعد والشهامه=يالابتي يلي على العز ضارين
هم لابتي لاعسم الجو بعسامه=اهل الفعول الماضيات القديمين
عبس العريقه ياجاهل المجد وخطامه=ربعن لهم بالمجد ذكر ودواوين
لا جاء نهارن فيه شر وندامه=ربعي هل الطولات والله عزيزين
كم جيش قومن تناثر حطامه=من فعل فرسان عبس الشريفين
خيالهم يمسك الموت بلجامه=ويقول يانفس يمه اليوم تردين
عزن براسه ربا شامخ الهامه=نسل الرجال اللي على العز باقين
ياعبس ياعزي عن الظلم ووهامه=الظلم وردني حياض الذليلين
لبست ثوب الظلم زاهي الخامه=ودفنت في مقبره ناس حيين
لظلم في وقتي مواري وعلامه=هذاوانا منه اشتكي الكم الحين
ياعبس شفت الذل وجرح الكرامه=وذقت المهونه من ناس والله رزيلين
بالظلم تسعى لين تاصل اخصامه=ماعندهم ذمه ومنها عديمين
كلن تحقق غايته ريشه اقلامه=استصغرونا يحسبون انا صغيرين
واللي امر حوته وسير عظامه=من قاع البحر ساقه ليا شط يقطين
اني جرعت الظلم من ناس ظلامه=مالي جدا ياكود اصفق بكفين
انتم ذرى اللي شاف ذله من اخصامه=ياعز راس اللي شكا الهم والبين
نادوا عتيق وعز منهو حزامه=ياعزنا ياذخرنا يابن عجوين
مزباننا لا صار حذف العمامه=ريف الضعيف مزبن المستضيقين
ووين انت ياشبلن عزيزن مقامه=شيخ الزعامه لا نصونا المعادين
هذاك ابن سمره حشاه الملامه=كم فرجه من بعد مافالها شين
من لابتن تسرج الخيل لخصامه=لفعولهم تخضع وترجح موزاين
ولا يهون اخو وزنه راعي الجهامه=نسل الحرار اللي على العز رابين
من لا بتن يرفرف العز بعلامه=لفعولهم تبرك جيوش المعادين
ولا هنت ياشوق الهنوف ومرامه=يامن يهون الصعب وايضا يلين
من لا بتن ياعز منهم حزامه=اليا احتمى الماقف جبال راسين
يابن بدوي الصبر طاحت عظامه=الظلم مايجبررجالن كسيرين
ولا يهون من يمناه لطيب سوامه=ابن شميلان عز من جوه ناصين
طب العليل اللي شكا الضيم عامه=من لا بتن يوم الملاقا ضريين
توجهوا يارجال الشرف والشهامه=بجاه منهم له الناس راجين
لخوان نوره دام لدار حكامه=ياعز منهم له ملوك وسلاطين
العدل منهج اهل الشرف والكرامه=حكامنا في حزت العسر واللين
وتمت بذكر اللي بديت بكلامه=الواحد المعبود رب المصلين