السلام عليكم ورحمة الله وبركاته
ماهو المعنى الذي لعب عليه الشاعرين في هذه المحاورة؟؟
هذه طبعاً تعتبر تجربه لمسابقة المعنى
أتمنى أن أرى تفاعلكم مع الموضوع
المجال مفتوح للجميع لكشف المعنى ونقد الأبيات واختيار الشاعر المتميز في هذا الطرق
طبعاً الشاعرين لايحق لهم التحليل ولا كشف المعنى ..وهاوي شعر كذلك
صميدع راس
سلام الله على شاعر علم نبغى نـروح بليـل=نبا نقنص سوى والرمي خله من ورى الحره
اشوف الناس ساقت ركبها رجلي وفوق الخيل=يقولون البحر لاهاج موجه يصفـق اب بـره
شاعر علم
ألا يامرحبابك يالمسلـم عـد وقـع السيـل=على ارض ٍ خاليه ماتشوف فيها طاري الجره
انا مدري عن التحليل واللي ينشـر التحليـل=ولكن قل عسى خير الزمان ايكافـي ابشـره
صميدع راس
يدوم ابك البقا والوضع يارجال شي مهيل=احد منه سلم واحد عمود البيت اله قـره
اخذ من الحقيقه دقق وتلقى بها التفصيـل=وكل يعرف اللي ينفعه وايضا بعد ضره
شاعر علم
ترا الزلزال مشرف مير ربي ياقوي الحيل=دخيلك لاتبيح سر شعـب ٍ كاتـم ٍ سـره
علامات القيامه واضحه في محكم التنزيل=تدبر سنة الهادي ماجات الناس في غـره
صميدع راس
مدامك تعرف الدعوى تجنت عن دروب الميل=انا مثلك دخلت الحـرب فيهـا كـره وفـره
علامات القيامه واضحه لك مثل نجم سهيـل=لكن الموت ياشاعر علم معروف لـه سكـره
شاعر علم
انا لبستها جوخه عن اللي يطرق الدربيـل=لو الزلزال يبغى ايعيد ذكرى محمـد الـدره
تحز بنفسي ان كان العرب قامت تحط الشيل=على ظهر البعير اللي خطامه دايـم ايجـره
صميدع راس
والا ياصحابنا اللي كل ماكلتوا يقل الكيل=ومنهو يحسن المكيـال الا لله هـو دره
تقوله وانت ماتملك من الدنيا ياكود القيل=تجود في خطامه لاهدر بالك تجي حدره
شاعر علم
على الدرب السريع امشي معك ياصاحبي بالميل=خويك لو تغر الـدرب فـي مسـراك ماغـره
اقوله وادري انك ياصميدع راس جاك الويـل=ياكثر اللي نهار العيـد مثلـك يجـرع المـره
أرجو أن يكون الموضوع فيه تفاعل وتبادل آراء لتعم الفائدة المرجوة