صباح الخير عالجميع أقدم محاورات من حفلة أقيمت بعفيف بحضور محافظها وهي بين صياف السحيمي ورشيد الزلامي وحبيب وملفي المورقي
وأيضا أهديها لأبوحرب تقديرا له على محاوراته التي قام بتنزيلها وطبعا كالعاده أنا ماأنزل محاورات قد سمعت من قبل
حبيب العازمي
لونك تحمل كان حطوك حمال
لكنك قنيصه يالبعير التهامي
صياف
يشيلونك العتبان وانته ماتنشال
ولاادري تبات بنور ولاظلامي
موال حبيب وصياف بعفيف عام 1416
وبعد هذي الموال مباشره قام الزلامي وقال
رشيد الزلامي
يارحى بقعاء على راس الحريبي دوري= لين يسلم قليل الخاتمه ويصلي
قام يحكم حكم لاشرعي ولادستوري=لين زعلني على نفسه وجيته كلي
صياف
والله اني يالزلامي فوقكم ماموري= مير لاتمشون وانا فوقكم متعلي
والله انك ماتزوج من بنات الحوري=مير مرح بشعيب
الزلامي
انت فيك الخير كله مير طاوع شوري=لاتخالفني تراك عن الحياه مولي
وثم غير صياف القاف وقال
ياهل البيت ياللي تذبحون السمين=ناركم في حطبها ولعت ولعت
الجماعه ثلاثه والثنين اثنين=تسمع سموعكم وقلوبكم مادرت
رشيد الزلامي
يالله انك على الدنيا واهلها تعين=كلن نفس تواجه سعهيا لاسعت
وأيضا بنفس الحفله
ملفي المورقي وصياف
ملفي المورقي
سرى الليل والحربي مكوع على مركاه=يناظربعينه والسوالف يحللها
الي وقت أنشدعنه واقول وين القاه= وأثرمن يدور بعض الأوادم يحصلها
صياف السحيمي
سرى الليل والحربي معه سيفه وشلفاه=ولن كان عندك سالفه قوم عجلها
انا اللي يقص الداب الاسود مع المثناه=ولاني لقمه كل مجنون يلقمها
ثم غير صياف الطاروق
الملعبه قامت تزيد وتزتحم=يازين هذي الملعبه يازينها
وأتركم مع الرابط الصوتي
http://www.zshare.net/audio/60648510535770c8/
ولكم تحياتي جميعا