إليكم قصيدة الجحش اولآ ومن ثم قصيدة العمده
ادري انك يابوتركي جيـت عايـد=وادري انك مانت كاسب لين أغيري
وادري انك من وسيعيـن البنايـد=وادري انك نصرة اليوم الكبيـري
وادي انك بالوفاء والطيـب رايـد=وادري انك ماتبا صدقـان غيـري
وادري انك تعشق الوافيـن وايـد=وادري انك حافظٍ حـق القصيـري
وادري انك تجعل المسيـود سايـد=وادري انك ساعة الشده شويـري
وادري انك مانت مصيودٍ بصايـد=وادري انك لو تعانـد تستخيـري
وادري انك لوّ بدنـا مانـت بايـد=وادري انـك بالوريدوبالصديـري
وادري انك صاحبي مامـن بعايـد=وادري انك ساعة الهدات طيـري
وادري انك بالجحش معجب وشايد=وادري انك ماتدورجحـش غيـري
إليكم قصيدة الشاعرالمبدع العمده ناصرخنيفر
ماسجع ورقن على خضر الجرايد=بالصباح وبعد ماحل العصيـري
مرحبا من قلـب مافيهـا نقايـد=من خوا ف القلب ينطقها ظميري
بالجميع وخص زيزوم القصايـد=لو ماعرفه بين الرجل البصيـري
السمينـه ماتسـاوى بالـردايـد=والجزال يسوقها سلك الحريـري
وماطلبي كانه عليكم ماهو كايـد=اسمك الاصلي وخل المستعيـري
ارسله يبراء لمرزمـت الرعايـد=في رساله وسط تصميم الخبيري
وكان حط بخاطرك كثر النشايـد=ماحرجك وسلم عس بالامر خيري
مشاركة اخوك منصور العجوني