[عبدالرحمن هليل]

ياخوي لامن ضاق وقتي وبي مال **بعد الولي ماغيرك احدن نصيته
يا خوي في صدري هواجيس تجتال**وهوجاس في قلب العنا حط بيته
ودموع عيني بازرق الدمع همال ** ولذ الكرى يا صاحبي ما اهتنيته
ماجيت ابى فزعه ولا جيت ابى مال** جيتك وانا لرضاك عمري رميته
واجب علي ارضاك في كل الاحوال ** وانا عشان ارضاك قافي دعيته
وسويت لك من صافي الكيف فنجال ** فنجال من غالي حلالي شريته
وفي حضرتك صغت القوافي والامثال ** قافن يليق بحضرتك لاقريته

الموضوع الأصلي: ياخوي | | الكاتب: عبدالرحمن هليل | | المصدر: شبكة بني عبس