[خيال وسمي]

السلام عليكم وحمة الله وبركاته
اخواني الكرام اقدم للكم هذه القصيده والي اتمنى تعجبكم وتسعدكم والمعذره اذا كان فيها قصور
اللهم صلي وسلم على محمد

[poem="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]دهمت غبر الخيل يا كـاره الخيـل = يومي عرفت الي جعلتـه مكانـي
ما كنت أظنك تشتهي خوة الليـل = وتطرب على ملقا فلان و فلانـي
بعت الغلا وأكفيت صفرالمعاميـل = وكبيـت فنجـال {ن} بـه الزعفرانـي
بستاقلك قافـي بحلـو المواويـل = وأفهم كلام {ن} منبعه مـن كيانـي
ماعادلي شفـك ولاعـاد بـي حيـل = ومليت أسوق القاف لاجلك وأعاني
ولاا عاد أنا برضى بكثـر المراسيـل =ولاعاد انا برجيك واذكرك ثانـي
خذها من شفاهـي وحـل التماثيـل = عل وعسى تلقـى صحيـح المعانـي
ما عاد انا ودي بحبـل المواصيـل = و اذهب ذهاب الدم وسـط المحانـي
وأذهب ذهاب القشع مع هدت السيل = وأذهب ذهاب الفايته يـا أنانـي
وان قدر الله ولاعرفوك الرجاجيل = عز الله أني ذقـت غلطـة زمانـي [/poem]

الموضوع الأصلي: وان قدر الله ولاعرفوك الرجاجيل \\\ عزالله أني ذقت غلطة زماني | | الكاتب: خيال وسمي | | المصدر: شبكة بني عبس