[ميلاس]

يادمع عيني خف جرحت عيني
والعين تبكي خوف تفقد بصرها
كف يادمع ماودي انك تجيني
بانسى عسى نفسي تدارى خطرها

ودي الصبر والوقت يرحم آنيني
والنفس من ذا الصبر تجني ثمرها

ياغير صبري مل والله يعيني
والروح تبكي ضايقه من صبرها

هو صاحبي كفا ودمر سنيني
كان الأمل كان لحياتي عمرها

كان الوفا والشوق يموت فيني
هو دنيتي ملهم عيوني نظرها

هو غايتي هو راحتي هو ضنيني
هو مهجتي بالحب نفسي غمرها

ياحيف وقتٍ حال بينه وبيني
وتبددت الاحلام لحظة سفرها

واللي انكتب وانصاغ وسط الجبينِ
لابد هالايام تكشف خبرها

يادمع عيني خف جرحت عيني


منقووله

الموضوع الأصلي: يادمع عيني خف جرحت عيني | | الكاتب: ميلاس | | المصدر: شبكة بني عبس