[عبدالرحمن هليل]

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كلمة هلاتسوى جميع المخاليق=لاقلتهاياسيدي زال همي
حبك سكن ياسيدي بالمعاليق=اغليك ياعمري مثل مااغلي امي
اسرة قلبي بالرموش الرواميق=ساعة نطحتك وانت لديت يمي
من نظرتك عوج الحنايافواتيق=ولانته على من صاب سهمك تسمي
اقفال قلبي قبل شوفك مغاليق=وقدام شوفك ماشكى القلب همي
مرتاح من طردالهوى والعشاشيق=لاني بلايمه ولاهوبيمي
وعقبك عروق القلب يمك مساييق=عليك من فيض المشاعرتزمي
تدعيك وبحبك تعقدالمواثيق=وشرط الوفابيني وبيني يتمي
حبال حبي لجل وصلك مطاليق=تعال شف قلبي لشوفك يومي
إلحق وبلل بالوصل ناشف الريق=إن كان ودك في غرامي تلمي
وان كان مالك في غرامي طواريق=ولالك بحبي ياادعج العين نمي
ابعدعسى بالحب دربك توافيق=وتسعدمع اللي فيه قلبك مهمي
لوإن من صدك عيوني غواريق=بعزنفسي لوملاالدمع كمي
ياسيدي لابدتفرج مع الضيق=بإذن الذي مجري مع العرق دمي
مالك لياقفيت مني ملاحيق=بالطيب جازيتك وحصلت ذمي
لاقفيت ماوالله ورى دربك أويق=ولاني ولدخالك ولابوك عمي[/POEM]

الموضوع الأصلي: الشاعر - عبد الرحمن الرشيدي | | الكاتب: عبدالرحمن هليل | | المصدر: شبكة بني عبس