[الاجهر]

	مرثية الفهد مرحوم يافهد العرب رمز الإسلام مرحوم ياكاسر عصا جيش صدام يامـن وفـا بالوعـد للشيخ جـابر وعاد الكويت وطاح صدام ما قام مـرحوم ياللـي عزهـا ما ظلـمها بالعـدل والإحسـان داره حكمهـا يـاخادم البيـتين بـاني حرمـها ياللـي بكته الناس وارضه والأيـام مرحـوم ياحاتـم وفـارس زمـانه يامـن اعز السيـف والمـال أهـانـه ربـي عطـاه مـن المهـابه مكانـه فـي حضـرته تصير عدوانه أقـزام مرحـوم ياللـي مـايغـره منافـق ولايثيـره بالغضب صـوت طـافـق بالنـاس لـه نظره وعقلٍ وخافـق ماهوب عجلٍ لكـن إن قـام عـزام مرحوم يـا ملجم جمـوح المعادي الـلـي يثـيـر الفـتنـه بكـل نـادي ينثر سمومـه بالحضر والبوادي حتى عدل راسه على الحق صمصام مرحـوم ياراعي الوفـا والحميه يـاكاسب الطـولات جـزل العطيـه ياللـي إذا نهض عـزومـه قويه دايـم وشـوفــاتـه بـعـيــده وقــدّام مرحـوم ياثـالث سهـوم المنايـا عـقبـان جـوٍ مـا خـلطـهـم حَـدايــا تـشيـلهـم هـامـاتنـا والحـنايـا عبد اللـه وسـلـطـان دام الـسعــد دام خالد الفيصل

الموضوع الأصلي: مرثية الملك فهد بن عبدالعزيز رحمه الله | | الكاتب: الاجهر | | المصدر: شبكة بني عبس