المـوقـف الطـيـب رهـنـي لـلاجـنـاب****خلانـي امشـي فــي قـيـاد المعـاريـف
وشلون لاجاء مـن بنـي عـم واقـراب****لاوالله الا كــتـــف يـــــدي تـكـتـيــف
ماني بناسي موقف حجاب وحجاب****لو طول صمتي فرح اهل السواليف
هديتـه لــي ساقـهـا طـيـب واعـجـاب****وانـــا يشـرفـنـي اعـجــاب الـعـواريـف
يـاحــي والله مـوقــفٍ مـالــه اسـبــاب****الا طـنــاخــة راس راع الـمـواقــيــف
لياقـتـنـع عـطــا عـطــاً مــالــه حــســاب****وليامتنـع صـاحـب تـصـرف وتصـريـف
كـــل بـمـالـه حــــر يــاولــي الالــبــاب****مايلـحـقـه فــــي مـايـخـصـه تـخـالـيـف
ياما برجوى الاجر مـن رب الاربـاب****ماشـال هـم حسـاب كثـر المصـاريـف
مايشبـهـه ابمـواقـف اعـتـاق الارقــاب****الا عيـال اللـي حكـم نجـد بالسـيـف
ابـــن نـحـيـت ولابـذلــك اسـتـغـراب****طيبـه اوراثـه واصـل مـاهـو تصانـيـف
مـن بيـت شيخـة لابـة ذكـرهـا طــاب****يطـرخ علمهـا فـوق روس المشاريـف
نـحـايـتــه لاكــشـــر الـــنـــاب لــلــنــاب****تاريخـهـم مـعـروف مــن غـيـر تعـريـف
مقـدم بنـي سالـم لاجـا حــزم كــلاب****دفـانــة الـركـبــه الـيـاشـيـف مـاعـيــف
عون الرفيق اللي من الوقت مرتاب****وعوق الخصيم اللي براسـه زعانيـف
يرسـون بنحـور المصايـب والاصعـاب****مرسـى طميـه فـي نحـور العواصـيـف
لافي الغيداني |