يالعين هذا مكان الزين=ماباقي(ن)غير جيرانه
شدو عن ديارهم ياعين=واغديت رقمه وعنوانه
مدري مشى يسار والايمين=من يعلم الغيب سبحانه
عزاه ياقلبي المسكين=اللي شكى بعد خلانه
اكثر من العام والعامين=مااوحيت كلمة من لسانه
من اول(ن)لنقطع يومين=اجيه واطق بيبانه
واليوم راحت ثمان سنين=نفسي على الزين ولهانه
لشفت بيته مع السيدين=اصيح واقول يافلانه
ودعيت ربي تجين امين=والبيت تدعيك جدرانه
|