مبروك ياهل العلم والوقفات وزحول الرجال
مبروك ياهل العلم والوقفات وزحول الرجال=اللي مراجلهم بحورن مايوصل حدها
ماهو صعيب اصاف بهم وضربهم جزل المثال=بس الصعيب المرجله فيهم ميحصا عدها
امواج بحرن مقتفيها بالبحر نود الشمال=الظخم سفن والثقل سفن عن العبور تردها
ابنا الرجال اللي رست للمرجله مثل الجبال=صم الجبال الرسيات اللي صعيب(ن)هدها
اهل المراجل والكرم والطيب لحل المجال=رجال(ن)تعلت للمراجل والعلا من كدها
وصلوا مواصيلن ماهي سهله وصعبات المنال=ومناصب(ن)كل الرجال الطيبين تودها
وصلولها عقب المساعي والمسافات الطوال=من دونها رجال(ن)من الطرقه تبيح سدها
مايرتكي للحمل وثقال الحمول الا الجمال=اللي لهيب القيض مايغير ملامح خدها
والله لو اكتب من ذهب مكفا كريمين السبال= ابنا الرجال اللي عريب(ن)خالها مع جدها
ان جيت ابا صف في مبارك قلت ياسيل الدحال=سيل الدحال اللي طلع فوق الجبال وسدها
والله لو اصف فيه من دور الهلال لي الهلال=محصي مراجل من يمينه مايشك ابمدها
ورجع على اللي ماعلى طيبه ووقفاته جدال=الطيب اللي نخوته عوص الامور تصدها
سعد ولد خنفور عون اللي شكا سو الحوال=اللي افعوله بالكرم والطيب كل(ن)عدها
والثلاث اللي لابس(ن)طيبه مثل لبسه للعقال =اللي حبال المرجله والطيب فوق يشدها
علي ولد سالم عريب الساس من عم وخوال= اللي سعى للمرجله لينه سبح في مدها
والرابع اللي بالمثل والوصف مطنوخ العيال=شبيب بحر المرجله وطيبات وعدها
اللي مثل وصف الرعد والبرق في وسط الخيال=امطار وسم(ن)تحيي الارض الدهور بندها
اجمل اخبر منشور لرجال المواقف والنضال=وبث القصيده يالشعور ولنشاما ودها
آخر تعديل بواسطة ذيبان الرشيدي ، 22-05-2009 الساعة 06:06 PM.
السبب: تكبير خط القصيدة يابن خزيم
توقيع خليف الوهيداني |
الله يبيض وجه قل لي ودينـي=خلاني اعرف كل رجل ومقامـه
وخلاني صفق في شمالي يميني=وذوق من نخوى العفون الندامه
وقت الرخى يامكثـر الطيبنـي=كل(ن)ربط فوق المراجل حزامه
بس الرجل وقت الشدايد يبيني=ولو لا كذا ماصار طيب ورخامه
|
|