ناصرمرسال
يامرحبا باسم عبس منزحين الحريب = اهل الشرف والوفاء والعز والمنسبي
الشاعر اللي من المخواه ماهو غريب = منا وفينا سعودي مايعد اجنبي
براهيم الشيخي
انقول دام البقى على معزه وطيب = عشتو يأهل مذهبن طابق على مذهبي
الشاعر اللي من المخواه ساسه عريب = وش فيك ياناصر المرسال ماني غبي
ناصر
الطيب بين العرب مافيه شكن وريب = والضيف اذا ماحكى ماننشده وش يبي
نطشها بالقليب ويكتشفها اللبيب = والناس من دون ماطلب حققو مطلبي
براهيم
شعر الخيارات مابين الصباء والمشيب = عوض خياري مولي ياخياري صبي
تستبعدون النجوم وجبتها من قريب = شفني معلق مية نجمه على منكبي
ناصر
موج البحر يازهراني غير موج القليب = والبحر هائج وموجه يلطم الجنّبي
معاد للشعر والابداع حظ ونصيب = اليوم بالوجهنه والمال والمنصبي
براهيم
لو كان رميتك ماتخطي وضنك مصيب = شفناك في شاعر المليون ببو ضبي
صحيح لك ناب لك مخلاب لو مأنت ذيب = حنا لاشفناك قلنا ياعلوم ارحبي
ناصر
ياما وياما ننادي مير مامن مجيب = مطالب البدو مع صفق الهواء تذهبي
وانته سوات الحصان وفيك راس وسبيب = لكن من ساحة المضمار ماتقربي
براهيم
لارشحتك الحكومه وانت شاعر وأديب = كمل مشواريك أما مشي ولا حبي
مالله بقابل دعاك وطاعتك يالحبيب = حتى تمرالحرم وتزور قبر النبي
ناصر
أهل الكفر بالحواجز طوقو تلبيب = حتى راع النوق بالمرقاب مايرقبي
اللي براس الجبل واللي ببطن الشعيب = نعدهم خشر بالماكل وبالمشربي
رابط المحاروه بالفيديو
http://www.bani-3abs.com/nn/videos-a...how-id-192.htm