[ابورغد المضيبري]

مساكم الله بالخير ايها الاعضاء الكرام واحب ان اشارك في قصيده متواضعه قلتها عند ما مريت على مواقع بالذاكره وكانت ايامها امطار واجواء روعه

الـــــقــــــصـــــيده

شبيت ناري قبل الايضلم الليل = في موقعاً قفراً من الناس خالي
فـــي موقعن مسقيه غر الهماليل=يرتاحبه قلبي لو انـــــي لحــــــالي
بعيد عن مجلس هل القال والقيل= اللي تفرق بين غالي وغـــــــــالي
وجبت الدلال اللي بهن غالي الهيــــل = وسويت حمستها على اللي ابالي
شــقراء معذيها وماهـــا مــن السيل = متحدرن مـــن عاليات الجبالـــــي
اللي حصاها مثل روس التماثيل= تمثال ريئس قبل حكمه يزالـــــــــي
قـــــــراح ما مرت عليه التحاليل=مافيه لاكلسم والا كلــور عـــالــــــي
وسط الشعيب الي علوه غراميل = كنه يسولفلي عن اللي مضالــــــي
اللي لعصمان الشوارب مداهيل=اهل الوفاء ومكرمين السبالـــــــــــي
لاكـــــــن بدمعي ماتفيد المناديل= من ماتشوف العين واللي طرالــــــي
وخـتامـــها في ذكر ربي وتهليل= ودنياك مادامت لزيد الهــــــلالــــــي

مع تحيات ابو رغــــــد المظيبري

الموضوع الأصلي: اللي حصاها مثل روس التماثيل | | الكاتب: ابورغد المضيبري | | المصدر: شبكة بني عبس