[الاجهر]

[POEM="font="Simplified Arabic,7,deeppink,bold,normal" bkcolor="transparent" bkimage="images/backgrounds/87.gif" border="none,4,gray" type=2 line=0 align=center use=ex num="0,black""]اللي بقى لي مع الأيام .. وفّيته=والضيق لو ينهمر تشربْه ودياني

ماهي كبيره علي والحزن غنيته=وْلاهي غريبه إذا وقتي تحداني

الخوف -يا من نبشت القلب وادميته=-لاعشت زهرة شبابك وانت وحداني!!

مطعون ؟ عاااادي ،، جفا الأقراب؟ داويته=تعبان؟ مبطي ،، ردى هالحظ؟ خاواني

صدمه؟ بسيطه ،، هَوان الحال؟ مرّيته=مقرود ؟ أدري ،، وإذا حرمان؟ عدّاني

ما فاح همّ ٍ لك الله ما تقهويته=ما مرّ حزن ٍ بغيري ما تبلاّني!

ياما وياما من الخذلان .. عديته=إلا بصاحبْ .. بعد عِشره تناساني!!

يا قلب صبرك .. ترى كل شيّ سويته=ما كان أفضل من اللي كان بإمكاني

الجرح أرحم .. إذا يرجع من أغليته=مجروح؟ فِدوه .. ولكن صعب وحداني![/POEM]

الموضوع الأصلي: اللي بقى لي مع الأيام .. وفيته | | الكاتب: الاجهر | | المصدر: شبكة بني عبس