بسم الله الرحمن الرحيم
السلام عليكم ورحمة الله وبركاته
هذه المحاورة بين الشاعر عبدالباري عبدالعزيز والشاعر الموج
عبدالباري
اركب حصانك واطلقه لاتركبـك هـوج الريـاح=اطلق عنانه مع فيافي نجد والباقي يهون
من محتمى الميقاف وقت الضيق في خشم السلاح=سلم على اللي يأكلون ويشربون ويرقدون
الموج
شفت الغليث اللي عوى يومـن بـرق الوسـم لاح=مع عويته ماشفت في جماه ضرس ولا سنون
صفق الكفوف اصعب على الرجال من طعن الرماح=واللي يحسب حساب قدام الاهانه مايهون
عبدالباري
ان قلت اسميها عسل وين اغدي السم الذحاح=ماشفت فيها مصلحه تذكر ولا هم يحزنون
لاجاء نهار العيد ألبسك المجانـد والوشـاح=لو ان حمْيَر في سباء في كل عامٍ يرذلون
الموج
ياطير ياللي بالسماء ماماسكك غير الجناح=حافظ على هذا الجناح اللي معك مهما يكون
وعزتي للي بظل طويق كان طويق طـاح=يستقبلون الشمس ويح الشمس والمستقبلون
عبدالباري
امنين ماهب الهوا طير السعد شلّع وراح=ماهو بمثلك كل ماهب الهوا جتك الجنون
ان هز زلزال ام لج طويق حـي للفـلاح=ماهي بواقفتٍ عليه ترضون وألا تزعلون
الموج
مافيك قاصر يالمعاصر غـن بغنـاك المبـاح=على اصطواناة الفضاء ولا اصطوانة نجدي فون
يقولها اللي مادرى وشلـون مجهـام الصبـاح=نايم على سماعة الرادي وسلك المكرفون
عبدالباري
مايروي الضميان من حر الضماء غير القَراح=واللي مايفهم باللسان ايبين من طرف العيون
الشيء واضح والشعر زلزال شريان القِـراح=مهما تخفى الماء مايدرج غير مع وهج العيون