العيون اللي إستحت نخوه وشيمه
والقلوب الواافيه منهو خسرها
العذر أحيااان ماله أي قيمــه
ومن يكسر بالمشاعر ما جبرها
جيت وإحساس المحبه رش ديمه
تروي العطاشا من مطرها
الأمل قداام وأبشر بالغنيمه
عاااشقك لوفيه دمعه ما ذخرها
الله أكبر صارت الغلطه جريمه
والمشاعر بالمحبه نختصرها
خلها يا خي مثل كفٍ كريمه
دايمٍ تعطي إذا ربك أمرها
صرت ما بين انتصارك والهزيمه
حزن من حرف القصيد لا بحرها
النوايا يا بعد راسي سليمه
ولا يغرك لا النجوم ولا قمرها
ماجرحني بالزمان إلا الظليمه
بس يا وجدي على النفس وقدرها
صاار قلبي جرح وضلوعي هشيمه
والصدور العاشقه حظي دمرها
والله إن اللي حصل قصه عظيمه
تنتهي لأن الحزن بآخر خبرها
إعتبرها يا ضنا قلبي يتيمه
لكن الشيطان ليته ما خطرها
لا تعاتبني على غلطه قديمه..!!
لو نشدت الوقت عنها ماذكرها