مع التحية والتقدير للجميع وتحيه خاصه لمن طلبها مني آمل ان تحوز على رضاكم
ضاق الفكر والعين عيت يامحمد لاتنام"="كن المنام محارب(ن) عيني من سنين(ن) مضت
ياشينها لاصرت تايه بين صفحات الغرام "=" تقلب الصفحات وتذكرك بايام(ن)قضت
ماهو بكيفي يوم اقلب بس هاجوس الضلام"=" يبعثر للي في خفوقي لو شعوري مارضت
هاج الغرام وزاد حبل الود وجروحي عدام"=" واناانتظر مرسول حبه والمراسيل ارفضت
عيت توصل حب محبون(ن)يبي يقراء السلام"="ويترجم شعور(ن) على خيط الوصل بعده فضت
من كل خلق الله ولاني قابل بغيره مدام"=" يقبل بحبي له وعيني ماعلى غيره غضت
هذى محبه تطرب العشاق مع صوت الحمام"="لان اللحون للي تغنيها الحمامه هيضت
شاعرتعدى كل نجمات التحدى ياسلام "=" مايهز شعره من تكلم في عيون(ن)غمضت
هذى حقيقه والحقيقه تفتخر باعلى وسام"="من عارفه ماتجهل العريف لامن عرضت
اخوكم
خلف العايضي