السلام عليكم ورحمة الله وبركاته:
ياسلام الله على عبس مروين الحراب
عبس عبس افعولهم كبر ضلعان السراه
علموا ناصر خنيفر علامه امس غاب
مادرى ان الجرح عندي يبا يلقى دواه
جيتكم من روس قوم تهيب ولاتهاب
ماغرس بقلوبها خوف والا ماسواه
والله اني خابر الحق وادري بالصواب
لكن العربان كل عصاته في يداه
احد يعرف واحد ماله طعام والا شراب
واحد دور له على شي لكن مالقاه
لكن اسمع ياطويل العمر سر الجواب
واحد عنده ثلاتة رعي بلا رعاه
احد معه الختم كاتب ويقرأ فالكتاب
مطلع والناس عنده ودايم في ذراه
واحد مطعومه نبات ومذهب به ذهاب
لاكلا منه تقل بين لحيانه حصاه
واحد ساكن بر مكه وماحوله شعاب
مادرى ان الموت حاصل ولا دونه نجاه
قالها اللي مانقله على يده غراب
مانقل ياكود حر مخاليبه ذكاه
وان تخاوينا نخاوي ذياب من ذياب
مانخاوي جاهل لازكاه ولا صلاه
الاشاره كافيه واضحه من راس ناب
ناب ذيب ويل منهو يبا يصبح عشاه