[الشاطئ المهجور]

يالي مشاء من عندنا اليوم ناويه= من فوق من يقطع اسهال(ن) وسيعه

السلام عليكم ورحمة الله وبركاته


هذي قصيدة الشاعر المغفورله باذن الله محمد بن شردوق
في محدح ابوربيعه الحربي الذي بعد ماسمع بوفاة ابن شردوق حلف بالله انه لم يتجه للغرب ووفاه الاجل بعده بسنه رحمه الله واسكنه فسيح جناته

وهذا مايحضرني من القصه

اودَع الركاب مني ووصيه= حرًا صميدع مايخون الوديعه
ايخلي العلم ايمين واللي سكن فيه= ربعنٍ يعشون السباع المجيعه
وليابدا لعبوب ياصل حراويه= بيته ينادي برَواب الرفيعه
ويقول للمندوب يالله تحييه =مع دلتن دايم يصبه سريعه
ومن ماتيسر ساير الضيف يقريه =وراع النوايب دابلله صنيعه
ربي عن الاسراف والبخل حاميه =ويمناه عن ذبح الهزايل رفيعه
أقره سلامي مع كلامن منقيه =حذفت هزله قدم حنانذيعه
سلام احلا من العسل من مجانيه= يهدى لمثله والرجال الشجيعه
لللابه اللي تعطي الحق راعيه= الطيب والمعروف الهم طبيعه
نعم الرجال بكل ماحل طاريه =يعم حرب افرادها مع جميعه
يومن ولد اللاش تقصرهقاويه =طيبه سرابن يطردله بقيعه
وانا رفيقي كل ماجيت ناصيه= يضحك احجاجه من اخلاقن وسيعه
يامادفع في واجبي عد ماجيه= الله يدافع عنك يابوربيعه
عندي عزيزوكل غال(ن)وغاليه= والناس ماكلن برايه تطيعه
مايرضي المخلوق ياكود واليه =والناس ماتقنع بحكم الشريعه
ياكم من مفلوج يسب قاضيه =واللي فلج قنعان لوهي قطيعه
هذاوسلمه الله لعينن تراعيه= وكفاه ربي كل عينن شنيعه

تحيتي لكم

الموضوع الأصلي: قصيدة بن شردوق/في مدح ابو ربيعه الحربي | | الكاتب: الشاطئ المهجور | | المصدر: شبكة بني عبس