دارت ايام الز من واختلفت طبـوع العبـاد
من يعيش يشوف والدنيا على كل(ن)تـدور
قصة(ن) منها يشيب اللي صغير(ن) بالمهاد
وذبلت من شدة الاحزان زينـات الزهـور
الفضايل والرذايـل قسمـت بيـن العبـاد
والحزن يبقى مخاوينا ولو طـال السـرور
كيف يالابداع جبت الفكـره اللـي ماتعـاد
ضاع فيها الحب واصبح ساكن(ن)بين القبور
مايشوف الحب لكنـه علـى دربـه يقـاد
الجنون اللي تسبب والعذر منـت معـذور
كيف تترك نار شوق الحب تصبح به رمـاد
تلتهـب نارالمحبـه ماتطفيهـا البـحـور
غلطتك من يحتملها قـل لنـا خـل العنـاد
صعب تمحاها الليالي لو نحسب والشهـور
اشهد ان الحـب منـك يالدليلـه مااستفـاد
لو تجمل له بحلو اللبس واريـاح العطـور
مالقا غير الشقا زود (ن) على مـر البعـاد
اختلف ميزان فكره وانعد م فيـه الشعـور
من يشوفه يعتقد فـي نظرتـه انـه جمـاد
ما درىانه قبل نار الحب هو بـدر البـدور
اشهد ان المبتلى بالعشـق مـاذاق الرقـاد
يشتكي من همه اللي كاتمه جوف الصـدور
والدلايل واضحه من عصرنا ذا ليـن عـاد
كم قصة سجـل التاريـخ تقـرا بالسطـور