بسم الله الرحمن الرحيم
السلام عليكم ورحمة الله وبركاته
حبيت انقل لكم هالمحاورة بين الشاعر عايض حامد ابن جوهر وهو غني عن التعريف والشاعر نايف بن هويدي بن صبح وهو من اكبر شعار ذوي صبح وهو عم العضو في الشبكه الشاعر هويدي بن صبح وخال العضو في الشبكه الشاعر منصور بن صبح والمحاورة تقريباً عام 1417هـ
عايض بن جوهر
جينا نلبي دعوة الداعي=الله يبارك حفل داعينا
بعد عرفنا المد الوصاعي=غير الوفاء لاشي يرضينا
نايف بن صبح
أبك البقاء يالصاحب الواعي=اتشوف بعيونك وتوحينا
ياللي تميز درب الاسناعي=فيكم عسانا ماتردينا
عايض بن جوهر
نايف ترا مانيب طماعي=لولا رضاكم كان ماجينا
عند البريد الكاتب الساعي=شرواك بالجزله يجازينا
نايف بن صبح
خابرك مافي راسك اوجاعي=لكن وين أنته مسرينا
بعض البضايع كيف تنباعي=لاصار سعرن مايمشينا
عايض بن جوهر
لاصرت فاهم كل الاوضاعي=يعجبك حاضرنا وماضينا
والسوق أطيعه لو ماينطاعي=تبغى الصراحه مهو مغرينا
نايف بن صبح
يمطر لكن ماينبت القاعي=أنا أحتديتك وانت حادينا
فوق السفينه رفرف اشراعي=لكن كود أنك مخاوينا
عايض بن جوهر
أعرف مدخالي ومطلاعي=أنكان منت العام ناسينا
يوم الركايب ساقها الراعي=نارد معه والبير تروينا
نايف بن صبح
منكم تراء مانيب مرتاعي=وإليا عمينا لاتقدينا
لاصار سيف القوم لاماعي=اليا تحدونا تحدينا
عايض بن جوهر
القلب خله بين الاضلاعي=أن أختلف قلبك تعنينا
أتصير هوشه دون فراعي=وأن شفت هوشه لا تنادينا
نايف بن صبح
قلبك بعض مرات يلاعي=ومن حر ماتونس مسرينا
معاد الك يالشيخ شفاعي=فيكم يابو حامد ولافينا
عايض بن جوهر
وين العشاء لذيب لاجاعي=منته ردي لكن ماتكفينا
للخيزرانه صرت مطواعي=ياللي ثلاث أيام ناوينا
نايف بن صبح
أثرك يارجال قطاعي=غير الحقيقه لاتودينا
أنكان مالشر دفاعي=قدامك الليله تلاقينا
عايض بن جوهر
وأنا لصعب الضرس قلاعي=لاكن عساء الرحمن يهدينا
شربتلك شاهي بنعناعي=تكرم مانبغى لاتقهوينا
نايف بن صبح
أنكانها بالشبر والباعي=أشبورنا قدمك تهقوينا
يالصاحب اللي شبع ثم جاعي=حنا عليها ماتنادينا
عايض بن جوهر
بعد دخلت ابسوق رفاعي=بالمرجله ليتك تجارينا